https://strategiyaveyukselis.info/ tr Strategiyaveyukselis.info DataLife Engine https://strategiyaveyukselis.info/gundem/1854-muzffr-liderliyin-zfr-salnamsi-prezident-lham-liyevin-dovltcilik-yolu.html https://strategiyaveyukselis.info/gundem/1854-muzffr-liderliyin-zfr-salnamsi-prezident-lham-liyevin-dovltcilik-yolu.html

]]>
Prezident, Müzəffər Ali Baş Komandan cənab İlham Əliyev müasir Azərbaycanın tarixində qətiyyətli liderlik, strateji düşüncə və milli iradənin təcəssümü kimi özünəməxsus yer tutur. Onun rəhbərliyi ilə Azərbaycan təkcə regionun deyil, bütövlükdə beynəlxalq aləmin etibarlı tərəfdaşına çevrilib, siyasi müstəqilliyini möhkəmləndirib, iqtisadi gücünü artırıb və milli maraqlarını prinsipial şəkildə qoruyub. Dövlət başçısının fəaliyyəti ardıcıl islahatlar, uzunmüddətli inkişaf strategiyası və vətəndaş məmnunluğunu əsas götürən idarəetmə fəlsəfəsi ilə seçilir.
Cənab İlham Əliyevin rəhbərliyinin əsas xətti güclü dövlət – firavan cəmiyyət modelidir. Bu modelin mərkəzində insan amili dayanır. Sosial rifahın yüksəldilməsi, əməkhaqlarının və pensiyaların mərhələli şəkildə artırılması, regionların kompleks inkişafı, infrastrukturun yenilənməsi və müasir şəhərsalma siyasəti ölkənin hər guşəsində real nəticələr verib. Yol, enerji, su və kommunikasiya layihələri Azərbaycanın dayanıqlı inkişafını təmin etməklə yanaşı, gələcək nəsillər üçün möhkəm bünövrə yaradıb.
İqtisadi sahədə həyata keçirilən şaxələndirmə siyasəti neft-qaz amilindən asılılığı azaltmaqla qeyri-neft sektorunun sürətli inkişafına imkan verib. Sənaye parkları, aqroparklar, ixracın təşviqi mexanizmləri, sahibkarlığa dövlət dəstəyi və şəffaf idarəetmə alətləri biznes mühitini gücləndirib. Bu siyasət Azərbaycanın iqtisadi dayanıqlığını möhkəmləndirib, ölkəni regional logistika və enerji mərkəzinə çevirib.
Xarici siyasətdə Prezident İlham Əliyev balanslı, milli maraqlara söykənən və prinsipial mövqe nümayiş etdirir. Azərbaycan beynəlxalq hüquqa əsaslanan mövqeyi ilə tanınır, tərəfdaşlıq əlaqələrini qarşılıqlı hörmət və bərabərlik üzərində qurur. Ölkəmizin təşəbbüsü ilə reallaşan enerji və nəqliyyat layihələri regionlararası əməkdaşlığı gücləndirir, qlobal təhlükəsizliyə töhfə verir. Azərbaycanın beynəlxalq nüfuzu, sözünün çəkisi məhz bu ardıcıl və uzaqgörən siyasətin nəticəsidir.
Prezident, Müzəffər Ali Baş Komandan cənab İlham Əliyevin adı xalqımızın tarixi Zəfəri ilə qızıl hərflərlə yazılıb. Onun qətiyyəti, siyasi iradəsi və ordumuza göstərdiyi davamlı diqqət nəticəsində Azərbaycan öz ərazi bütövlüyünü bərpa etdi. Bu Zəfər təkcə hərbi uğur deyil, milli ruhun dirçəlişi, ədalətin bərpası və dövlətçilik ənənələrinin möhkəmlənməsi deməkdir. Ordunun modernləşdirilməsi, peşəkar kadrların yetişdirilməsi və müasir texnologiyaların tətbiqi Ali Baş Komandanın strateji baxışının bariz göstəricisidir.
Qələbədən sonra aparılan genişmiqyaslı bərpa və quruculuq işləri Prezident İlham Əliyevin gələcəyə hesablanmış siyasətinin davamıdır. Azad edilmiş ərazilərdə “ağıllı şəhər” və “ağıllı kənd” konsepsiyalarının tətbiqi, mədəni irsin bərpası, infrastrukturun sıfırdan qurulması böyük qayıdışın təminatıdır. Bu proses milli birliyin, dövlət-vətəndaş həmrəyliyinin daha da möhkəmlənməsinə xidmət edir.
Cənab İlham Əliyev həm də güclü siyasi məktəbin formalaşdırdığı liderdir. Onun dövlətçilik fəlsəfəsi sabitlik, inkişaf və sosial ədalət prinsiplərinə söykənir. Bu yanaşma Azərbaycan cəmiyyətində etimadı gücləndirir, gələcəyə inam yaradır. Prezidentin çıxışlarında və qərarlarında aydınlıq, prinsipiallıq və məsuliyyət hissi hər zaman ön plandadır.
Sonda, ölkəmizin tərəqqisi naminə misilsiz xidmətləri olan Prezident, Müzəffər Ali Baş Komandan cənab İlham Əliyevi doğum günü münasibətilə ürəkdən təbrik edirik. Ona möhkəm cansağlığı, uzun ömür, dövlətçilik yolunda yeni uğurlar, Azərbaycan xalqının rifahı naminə davamlı nailiyyətlər arzulayırıq. Qoy müdrik liderliyiniz altında ölkəmiz daha böyük zirvələr fəth etsin, Zəfər salnaməmiz yeni parlaq səhifələrlə zənginləşsin.

Faiq müəllim
44 günlük Vətən müharibəsinin qəhrəman döyüşçüsü və qazisi ]]> admin Thu, 25 Dec 2025 12:20:22 +0400 https://strategiyaveyukselis.info/gundem/1853-azrbaycanin-qudrtl-ldernn-yen-yaini-tbrk-edrk.html https://strategiyaveyukselis.info/gundem/1853-azrbaycanin-qudrtl-ldernn-yen-yaini-tbrk-edrk.html

]]>
Möhtərəm Prezident! Bu gün yaşadığımız bu tarixi qələbə, ilk öncə Sizin bu illər ərzində əvəzolunmaz fəaliyyətinizin, Azərbaycanın Sizin sayənizdə qazandığı siyasi və iqtisadi uğurların bünövrəsində qurulmuşdur. Siz Yeni Azərbaycan tarixinin müəllifisiniz. Biz Sizinlə fəxr edirik, qürur duyuruq! Xoşbəxtik ki, Sizin kimi yenilməz və əvəzsiz Prezidentimiz var, Siz bizim əbədi Prezidentimizsiniz!
Bu qələbə Azərbaycan tarixində əbədi qalacaqdır. Bu tarixi hadisə ilə son bir neçə yüz il ərzində ilk dəfə olaraq Azərbaycan işğal olunmuş torpaqlarını özünə qaytardı, bununla da ərazi bütövlüyünü təmin etdi. Və Sizin adınız bu qələbə tarixinin ən gözəl səhifəsində qızıl hərflərlə yazılıb.
Şanlı Vətən müharibəsində, İkinci Qarabağ savaşında qazandığımız bu tarixi qələbədə əlbəttə ki, Azərbaycan Ordusunun, Silahlı Qüvvələrimizin bütün komandir heyətinin, əsgər və zabitlərinin, Azərbaycan hərbçilərinin misilsiz rolu vardır. Ali Baş Komandanımızın rəhbərliyi ilə Azərbaycan Ordusu yüksək peşəkarlıq, məharət və fədakarlıq nümayiş etdirərək müasir hərb tariximizin ən şanlı qələbələrini qazandı və XXI əsrin yeni müharibə modelini bütün dünyaya təqdim etdi. Müqəddəs Azərbaycan torpağını Vətən edən bütün qəhrəmanlarımızın, şəhidlərimizin, qazilərimizin, ön və arxa cəbhədə fədakarlıqla bu işə töhfə verən Azərbaycan hərbçilərinin, onların valideynlərinin, ailə üzvlərinin, xüsusilə bütün şəhid analarının qarşısında baş əyirik. Bu qələbə sevincini bizə yaşatdıqlarına görə Ali Baş Komandanımıza və Azərbaycan əsgərinə, bu şanlı tarixi qanı, canı ilə yazan şəhidlərimizə borcluyuq. Azərbaycan şəhidlərinin hər birinin əziz xatirəsini daim yaşadacaq və uca tutacaqdır. Bu qədər qısa müddət ərzində yeni əsrin yeni hərb nümunəsini yaradan, mənfur düşmənin illərlə qurduğu, möhkəmləndirdiyi istehkamları, saysız-hesabsız hərbi texnikasını məhv edən və Qarabağı azad edən Azərbaycan Ordusunun müzəffər Ali Baş Komandanı İlham Əliyevin bu möhtəşəm hərbi qələbəsi hələ uzun illər hərbi ekspertlər, tarixçilər, siyasətçilər və s. tərəfindən araşdırılacaq, öyrəniləcək və zəfərlə nəticələnən uğurlu müharibə dastanına çevriləcəkdir.
44 günlük Vətən müharibəsində qələbə qazanmağımızda Prezident, Ali Baş Komandan İlham Əliyevin məxsusi rolu xüsusi vurğulanmalıdır. Məhz onun böyük təşkilatçılıq qabiliyyəti, strateji düşüncə tərzi, dünya liderləri arasında xüsusi mövqe qazanmasına səbəb olmuş yüksək intellekti, Vətənimizə böyük uğurlar qazandıran dövlətçilik və idarəçilik məharəti, həmçinin son hadisələrin də təsdiq etdiyi kimi ən müasir tələblərə cavab verən sərkərdəlik məharəti bu Qələbənin əldə olunmasında mühüm rol oynadı. Azərbaycan Prezidenti yalnız bir sərkərdə kimi müharibəyə rəhbərlik etmədi, o, həm də mahir diplomat olaraq dünyanın nüfuzlu dövlətləri qarşısında ölkəmizin beynəlxalq nüfuzunu qorudu və daha da artırdı. Azərbaycan Prezidenti özünün yüksək intellekti, dünyagörüşü, beynəlxalq siyasəti, qanunvericiliyi və diplomatiyanı yüksək səviyyədə bilməsi ilə bu jurnalistləri mat qoydu. Bununla yanaşı, bir çox təxribatçı sualları cavablandırarkən həmin jurnalistlərə onların ölkəsinin tarixini, həmin ölkələrdə həyata keçirilən daxili siyasəti hətta onların özündən yaxşı bildiyini də göstərdi. Dövlətimizin başçısının bu müsahibələri həm də Azərbaycanı yaxından tanımayanlarda ölkəmiz haqda obyektiv fikir formalaşdırdı, onların ölkəmizə münasibətini köklü şəkildə dəyişdi.
Beləliklə, 30 ilə yaxın bir müddətdə Azərbaycan xalqının qəlbindən ağır daş kimi asılan torpaq həsrətinə son qoyulması, işğal altında olan ərazilərin azad edilməsi uğrunda 44 gün davam edən Vətən müharibəsi məhz görkəmli sərkərdə və dövlətimizn başçısı İlham Əliyevin gərgin və yorulmaz əməyi, vaxtında yaradılmış güclü iqtisadiyyat, dünyanın aparıcı ölkələri ilə bərabər səviyyədə həyata keçirilmiş ordu quruculuğu, Azərbaycana münasibəti köklü şəkildə dəyişmiş beynəlxalq siyasət və özünü dəmir yumruq kimi göstərmiş xalq-iqtidar birliyi əsasında Qələbə ilə başa çatdı.
Biz əminik ki, qüdrətli və yenilməz Azərbaycan dövləti ərazi bütövlüyünü tam bərpa edərək tarixi torpaqlarında üçrəngli bayrağını ucaltdıqdan sonra bu möhtəşəm tarixi Qələbə ilə daha da güclənəcək və sürətlə inkişaf edəcək.Ali Baş Komandanımız, möhtərəm Prezidentimiz cənab İlham Əliyev! Sizi 64-cü doğum gününüz münasibətilə səmimi-qəlbdən təbrik edirəm. Azərbaycan xalqı Sizin ətrafınızda sıx birləşərək daha böyük nailiyyətlərə imza atacaq, parlaq gələcəyə və xoş sabahlara doğru inamla irəliləyəcək.

Hacı Ağa İsmayıl
Vətənpərvər insan, xeyriyyəçi iş adamı ]]> admin Thu, 25 Dec 2025 12:15:54 +0400 https://strategiyaveyukselis.info/gundem/1851-vtnprvr-i-adam-deal-mtk-nn-rhbri-murad-mullim-qalib-srkrd-muzffr-ordu-mrd-xalq.html https://strategiyaveyukselis.info/gundem/1851-vtnprvr-i-adam-deal-mtk-nn-rhbri-murad-mullim-qalib-srkrd-muzffr-ordu-mrd-xalq.html

]]>
2025-ci ilin bu müqəddəs günündə bir daha qürurla xatırlayırıq: 44 günlük Vətən Müharibəsi Azərbaycan xalqının iradəsini, ordumuzun qəhrəmanlığını və dövlətimizin gücünü bütün dünyaya nümayiş etdirdi. Bu müharibə sübut etdi ki, Azərbaycan Ordusu Cənubi Qafqazın ən qüdrətli ordusudur və hər an hərbi tapşırığı uğurla yerinə yetirmək iqtidarındadır. Ali Baş Komandan, Prezident İlham Əliyevin strateji rəhbərliyi altında ordumuz yalnız düşmənə qarşı deyil, həm də bütün dünyaya Azərbaycan xalqının iradəsini göstərdi.Müharibə dövründə Azərbaycan əsgəri yüksək döyüş ruhu və əzmkarlıq nümayiş etdirdi. Qəhrəman əsgərlərimizin şücaəti, şəhidlərimizin qanı və canı bahasına düşmən ordusu darmadağın edildi, “yenilməz Ermənistan ordusu” mifləri məhv oldu. Ordumuzun tətbiq etdiyi döyüş taktikası dünya hərb tarixində yenilik kimi qiymətləndirildi, ali hərbi məktəblərdə dərslik kimi öyrənilir və gələcək nəsillərə nümunə olacaq.Vətən müharibəsi həm də xalqımızın birliyini nümayiş etdirdi. Tarixi ədalət uğrunda aparılan müharibədə Azərbaycan xalqı iqtidar və müxalifət fərqinə baxmadan birləşdi. Prezident İlham Əliyevin siyasəti xalqı vahid məqsədə yönəldən siyasət kimi bir daha təsdiqləndi. Milli birlik və həmrəylik müharibənin qələbə ilə başa çatmasında ən əsas amillərdən biri oldu.Postmüharibə dövründə azad edilmiş torpaqlarımızın bərpası və inkişafı sürətlə davam edir. Dövlətimiz dağıntıları aradan qaldırır, eyni zamanda bölgəni Azərbaycanın gələcəyinin yeni modeli kimi qurur. “Ağıllı kənd”, yaşıl iqtisadiyyat və müasir infrastruktur layihələri Qarabağın regionun ən inkişaf etmiş və rahat yaşayış məkanı olmasını təmin edir. Bu proses həm də Azərbaycanın bütün vətəndaşları üçün yeni həyat standartları yaratmaq məqsədini güdür. Qarabağ yalnız bərpa edilmir, həm də Azərbaycanın müasir və inkişaf etmiş simvoluna çevrilir.Vətən müharibəsində yaralanıb qazi olan hər bir əsgərimizin sosial müdafiəsi dövlət tərəfindən təmin edilir. Qazilərimizin məişət problemləri həll olunur, onlara maddi və mənəvi dəstək göstərilir. Çünki Azərbaycan əsgəri Vətən uğrunda canını fəda edərək tarixin qəhrəman səhifələrinə adını yazdırıb. Onların fədakarlığı gələcək nəsillərə vətənpərvərlik ruhunu aşılayır və gənclərimiz üçün örnəkdir.Azərbaycan-Türkiyə dostluğu və qardaşlığı Vətən müharibəsi dövründə ən parlaq nümunəsini göstərdi. Hər zaman Azərbaycanın yanında olan Türkiyə döyüş meydanında dəstəyini, diplomatik və hərbi əməkdaşlıq nümunələrini təqdim etdi. Oktyabrın 26-da Türkiyə Prezidenti Rəcəb Tayyib Ərdoğan Füzuli Beynəlxalq Hava Limanına ilk dövlət başçısı olaraq səfər etdi. Bu səfər göstərdi ki, iki qardaş ölkənin müttəfiqlik və həmrəylik əlaqələri regionda sülhün və təhlükəsizliyin təmin olunmasında vacib rol oynayır.Vətən müharibəsi yalnız hərbi uğur deyildi, həm də Azərbaycan xalqının milli birliyinin, dövlətimizin gücünün və ordumuzun qəhrəmanlığının göstəricisi oldu. 8 Noyabr – Zəfər Günü, həm torpaqlarımızın azad edildiyi, həm də Azərbaycan dövlətinin gücünün, xalqımızın iradəsinin simvoludur. Bu gün biz şəhidlərimizi yad edir, qazilərimizin yanında oluruq və gələcək nəsillərə azad və güclü Azərbaycanın simvolunu göstəririk.Azərbaycan Ordusu yalnız düşməni məğlub etməklə kifayətlənmədi, həm də beynəlxalq səviyyədə öz qüdrətini göstərdi. Dünya ictimaiyyəti ordumuzun döyüş taktikası, strateji üstünlükləri və qəhrəmanlıq nümunələrini diqqətlə izləyir. Bu, ordumuzun gələcəkdə də regionda və dünyada nüfuzunu artıracaq və Azərbaycanın hərbi təhlükəsizliyini təmin edəcək.2025-ci ilin bu müqəddəs günündə bir daha xatırlayırıq: bu Qələbə yalnız ordunun deyil, bütün xalqın, dövlətin və millətin birlik və həmrəyliyinin nəticəsidir. 8 Noyabr, həm də Azərbaycan xalqının iradəsini, dövlətimizin gücünü və milli həmrəyliyimizi simvollaşdıran gündür. Bu gün, şəhidlərimizin xatirəsini anaraq, qazilərimizin yanında olaraq, Azərbaycan xalqı bir daha göstərir ki, milli birlik hər bir çətinliyin öhdəsindən gəlməyə kifayətdir.
8 Noyabr – Zəfər Günümüz mübarək!
Yaşasın Azərbaycan! Qarabağ Azərbaycandır! ]]> admin Wed, 12 Nov 2025 14:19:54 +0400 https://strategiyaveyukselis.info/gundem/1852-8-noyabr-qlbmizin-v-milli-birliyimizin-gunudur.html https://strategiyaveyukselis.info/gundem/1852-8-noyabr-qlbmizin-v-milli-birliyimizin-gunudur.html

]]>
Vətən müharibəsində Azərbaycan əsgərinin nümayiş etdirdiyi sarsılmaz iradə, mərdlik və yenilməzlik bu gün gənclərimiz üçün ən yüksək nümunədir. Əsgərlərimizin yüksək döyüş ruhu, fədakarlığı və əzmkarlığı sayəsində biz 44 günlük Vətən Müharibəsində böyük Qələbə qazandıq. Vətən müharibəsində yaralanaraq qazi olan hər bir əsgərimizin yarası yalnız onun ailəsinin deyil, bütün azərbaycanlıların yarasıdır. Dövlətimiz isə hər zaman öz əsgərinin yanında olmuş, Qarabağ qazilərinə lazımi dəstək göstərmişdir. Onların məişət problemləri müntəzəm həll olunur və bu, onların haqqıdır. Çünki Azərbaycan əsgəri Vətən uğrunda canını fəda edərək qəhrəmanlıq göstərmiş, adını Azərbaycan tarixində əbədi yazdırmışdır.Vətən savaşı bir daha sübut etdi ki, tarixi ədalət və haqq uğrunda aparılan müharibədə xalq iqtidar və müxalifət cəbhələrinə bölünə bilməz. Buna cəhd edən qüvvələr isə xalqımız tərəfindən birmənalı olaraq qınanır. İkinci Qarabağ müharibəsi göstərdi ki, Prezident İlham Əliyev tərəfindən həyata keçirilən siyasət xalqı birləşdirən siyasətdir. Azərbaycanın haqlı və ədalətli mövqeyi şəxsi ambisiyalardan imtina etməyi və milli maraqlar naminə birləşməyi tələb edir. Bu gün qürurla deyə bilərik ki, milli birlik və həmrəylik, dövlətimizin siyasi dəyəri kimi, bizim gücümüzün əsas mənbəyidir.44 günlük müharibə dövründə daxildəki həmrəylik və vahid amal uğrunda birləşməyimiz bizə əlavə güc verdi və bəzi xarici qüvvələrin Azərbaycanda çirkin planlarını həyata keçirməsinə imkan vermədi. Müharibənin nəticələri göstərdi ki, artıq Ermənistanın işğalçılıq siyasətinə etiraz və xalqın haqq və ədalət tələbi ölkədə birləşdirici amillərdən biridir. Siyasi partiyaların birgə bəyanatlarında Ermənistanın işğalçılıq siyasəti qınanır və mülki əhaliyə qarşı həyata keçirilən terror aktlarının beynəlxalq təşkilatlar tərəfindən qiymətləndirilməsi tələb olunur.Bütün təzyiqlərə baxmayaraq Azərbaycan Ordusu müharibəni bir gün belə dayandırmadı. Hər zaman Azərbaycanın yanında olan qardaş Türkiyənin Prezidenti Rəcəb Tayyib Ərdoğan dünyaya “Azərbaycan tək deyil” mesajını ünvanladı. Bu, iki qardaş ölkənin dostluq və həmrəylik nümunəsi oldu. Müharibə dövründə olduğu kimi, bu gün də işğaldan azad olunmuş torpaqların bərpası və quruculuq işlərində Türkiyə və digər dost ölkələrin dəstəyi ilə yeni mərhələyə qədəm qoyulub. Oktyabrın 26-da Füzuli Beynəlxalq Hava Limanına ilk xarici uçuşu həyata keçirən Türkiyə Prezidenti bunun canlı nümunəsi oldu. Eyni zamanda, Şuşada Azərbaycanın və Türkiyənin müttəfiqliklərini təsdiqləyən sənəd imzalanması, Qarabağımızın azad və firavan gələcəyinə işıq saldı.Azərbaycan Ordusu yalnız Ermənistan silahlı qüvvələrini deyil, həm də uzun illər boyu formalaşmış erməni mifini və təxribatlarını məhv etdi. Ordumuzun qəhrəmanlığı, peşəkarlığı və iradəsi Azərbaycan xalqının milli qürurunu daha da yüksəltdi.Sizi 8 Noyabr – Zəfər Bayramı münasibətilə ürəkdən təbrik edirəm! Bu gün Azərbaycanın tarixinə qızıl hərflərlə yazılan qələbənin ildönümüdür. 44 günlük Vətən Müharibəsində qazandığımız bu zəfər yalnız torpaqlarımızın azad edilməsi deyil, həm də millətimizin birlik və həmrəyliyinin, xalqın iradəsinin və mübarizə ruhunun simvoludur. Şəhidlərimizin qəhrəmanlığı sayəsində biz azad Vətəndə yaşayırıq, qazilərimizin fədakarlığı isə hər birimiz üçün ilham mənbəyidir.8 Noyabr Vətənimizin gücünü, azadlığını və müstəqilliyini simvolizə edir. Qoy gələcək nəsillər də bu zəfəri yaşatsın və əsl vətənpərvərlik ruhunu qəlblərinə aşılasın.
Zəfər Bayramımız mübarək!
Yaşasın Azərbaycan Ordusu!
Qarabağ Azərbaycandır!

Hacı Ağa İsmayıl
Vətənpərvər insan, xeyriyyəçi iş adamı ]]> admin Sat, 08 Nov 2025 13:51:45 +0400 https://strategiyaveyukselis.info/gundem/1850-ana-nvazii-il.html https://strategiyaveyukselis.info/gundem/1850-ana-nvazii-il.html

]]>
Xəbər verdiyimiz kimi, bu gün Gəncədə III MDB Oyunlarının təntənəli açılış mərasimi keçirilib.

“Qafqazinfo” xəbər verir ki, Azərbaycan Prezidenti İlham Əliyev və birinci xanım Mehriban Əliyeva tədbiri izləyiblər.

Mərasim çərçivəsində prezidentlə xanımı Gəncə terrorunda şəhid olan mülki vətəndaşlarımızın ailə üzvləri ilə görüşüblər, onlarla birlikdə mərasimi izləyiblər.

Sözügedən görüşdə Mehriban Əliyevanın şəhid övladlarına ana nəvazişi göstərdiyi anlar diqqət çəkib.

Onun ana qayğısı ilə saçlarını öpərək çiyninə şal saldığı balaca qız Xədicədir. O, 17 oktyabr 2020-ci ildə raket hücumları zamanı atası Röyal Şahnazarovu, anası Züleyxa Şahnazarovanı və kiçik bacısı Mədinə Şahnazarovanı itirib. Hadisədən sonra Xədicənin gözləri 3 gün görməyib. Sonra möcüzə nəticəsində gözləri açılıb. Gözünü açanda isə ilk sözü “Anamı istəyirəm” olub.



]]> admin Mon, 29 Sep 2025 13:27:31 +0400 https://strategiyaveyukselis.info/gundem/1849-sumqaytda-marrut-avtobusu-yand.html https://strategiyaveyukselis.info/gundem/1849-sumqaytda-marrut-avtobusu-yand.html

]]>
Sumqayıt şəhərində marşrut avtobusu yanıb.

“Qafqazinfo” xəbər verir ki, şəhər ərazisində fəaliyyət göstərən 2 saylı müntəzəm marşrut xəttinə aid “İsuzu Citibus” markalı avtobusda güclü yanğın olub.

Hadisə yerinə yanğınsöndürmə briqadası cəlb edilib.

Əlavə məlumat veriləcək.

***

FHN-in məlumatına əsasən, Sumqayıt şəhəri, 6-cı mikrorayon ərazisində avtobusda yanğın baş verib.

Dərhal nazirliyin Dövlət Yanğından Mühafizə Xidmətinin Sumqayıt şəhər Yanğından Mühafizə İdarəsinin qüvvələri əraziyə cəlb olunub.

Yanğınsöndürənlərin tərəfindən “İSUZU” markalı avtobusda baş vermiş yanğın yaxınlıqdakı tikililərə keçməsinə imkan verilmədən qısa müddətdə söndürülüb.

Yanğın nəticəsində avtobusun yanar hissələri yanıb.

Xəsarət alan yoxdur.

]]> admin Mon, 29 Sep 2025 13:26:38 +0400 https://strategiyaveyukselis.info/gundem/1848-artm-yalnz-elektrik-v-cng-avtobuslara-aiddir.html https://strategiyaveyukselis.info/gundem/1848-artm-yalnz-elektrik-v-cng-avtobuslara-aiddir.html

]]>
Xəbər verdiyimiz kimi, ictimai nəqliyyatda tariflər 1 oktyabr tarixindən dəyişəcək.

“Qafqazinfo”nun məlumatına görə, ilkin mərhələdə paytaxtda müasir tələblərə cavab verən yalnız elektrik və CNG yanacaq növlü avtobuslarda gediş haqqı 60 qəpik olacaq.

Bu isə paytaxtda mövcud marşrut şəbəkəsinin təxminən 30%-ni əhatə edir. Belə ki, hazırda yalnız “Bakubus” MMC-nin avtobus parkı 100 faiz olmaqla elektrik və CNG mühərrik növlüdür. Bundan başqa “Xaliq Faiqoğlu” MMC, “Çinar Trans” MMC, “GAC” MMC və digər bir neçə daşıyıcının istismarında olan xətlərdə CNG növlü avtobuslar mövcuddur. Beləliklə qiymət artımı yalnız “Bakubus”un istismarında olan marşrut xətlərinə və qeyd edilən daşıyıcılara məxsus bir neçə marşruta tətbiq ediləcək. Həmin xətlərin siyahısı gün ərzində əhaliyə təqdim ediləcək.

Bununla yanaşı hər hansı xətdə həm köhnə, həm də müasir avtobuslar varsa, onlarda gediş haqqı 50 qəpik olaraq qalacaq. Xətt üzrə avtobus parkı tam yeniləndikdə onlarda da tarif artımını tətbiq etmək mümkün olacaq.

Beləliklə tarif artımı hazırda Bakıdakı marşrut şəbəkəsinin 70 faizini əhatə etmir.

Qeyd edək ki, 1 yanvar 2025-ci ildən sonra istehsal edilən dizel yanacağı ilə işləyən avtobuslara da qiymət artımı tətbiq ediləcək. ]]> admin Mon, 29 Sep 2025 13:25:45 +0400 https://strategiyaveyukselis.info/gundem/1847-ra-nn-trfdal-il-olkmizd-yeni-vencur-maliyylm-irkti-yaradlr.html https://strategiyaveyukselis.info/gundem/1847-ra-nn-trfdal-il-olkmizd-yeni-vencur-maliyylm-irkti-yaradlr.html

]]>
İnnovasiya və Rəqəmsal İnkişaf Agentliyi (İRİA) və “White HillCapital” vençur fondu arasında Azərbaycanda yeni vençur maliyyələşmə şirkətinin təsis edilməsi məqsədilə Təsis Müqaviləsi imzalanıb.

“Qafqazinfo” xəbər verir ki, “White Hill Capital” Mərkəzi Avrasiya regionunda vençur kapital yatırımları ilə onlarla startapın miqyaslanaraq böyüməsində əhəmiyyətli rol oynayıb.

“INMerge” İnnovasiya Sammiti çərçivəsində əldə edilən razılaşma əsasında fondun Azərbaycandakı fəaliyyətinin genişlənməsi dəstəklənəcək.

Müqavilənin imzalanma mərasimində çıxış edən İRİA-nın sədri Fərid Osmanov bildirib ki, Azərbaycan ekosisteminə yeni xarici vençur fondunun daxil olması yerli startapların qlobal mühitə inteqrasiyasını sürətləndirəcək: “Biz İRİA olaraq startaplarımızın vençur maliyyələşmə mexanizmlərinə çıxışı üçün yeni imkanlar yaratmağa davam edirik. Bu gün bu istiqamətdə növbəti addımı atdıq. “White Hill Capital” vençur fondu regional yatırımları ilə öz effektivliyini sübut edib və biz istərdik ki, Azərbaycan ekosistemi də bu fondun resurslarından yaxın perspektivdə mümkün qədər faydalansın”.

“White Hill Capital” vençur fondunun idarəedici ortağı Aslan Sultanov çıxış edərək Azərbaycan ekosisteminin yüksək potensialını və məhz buna görə də investorlar üçün artan cəlbediciliyini vurğulayıb. O qeyd edib ki, “White Hill Capital”ın Azərbaycan bazarına daxil olması fondun investisiya portfelinin perspektivli yatırımlarla genişlənməsinə, digər tərəfdən isə Azərbaycanda vençur maliyyələşməsi mühitinin diversifikasiyasına xidmət edəcək.

Tədbirin yekununda “White Hill Capital” vençur fondunun yatırımları nəticəsində böyüyən Azərbaycanın “Push30” və Tacikistanın “Zypl” startaplarının təqdimatları baş tutub. Startap nümayəndələri fondun maliyyə dəstəyi modeli və fond tərəfindən edilən yatırımların startapların miqyaslanmasına verdiyi əhəmiyyətli töhfə haqqında ətraflı məlumat paylaşıblar.

Qeyd edək ki, “White Hill Capital” 2021-ci ildə Qazaxıstanda təsis edilmiş regional vençur fondudur və əsasən Mərkəzi Avrasiya ölkələrindən olan startaplara yatırım edir. ]]> admin Mon, 29 Sep 2025 13:24:59 +0400 https://strategiyaveyukselis.info/gundem/1846-rana-qar-sanksiyalar-qismn-brpa-edcklr.html https://strategiyaveyukselis.info/gundem/1846-rana-qar-sanksiyalar-qismn-brpa-edcklr.html

]]>
Avropa İttifaqı Şurası “Avropa üçlüyü”nün (Böyük Britaniya, Almaniya və Fransa) ardınca İrana qarşı sanksiyaları qismən bərpa etmək qərarına gəlib.

“Qafqazinfo” xəbər verir ki, bu barədə Avropa İttifaqı Şurasının yaydığı açıqlamada yer alıb.

Məlumata görə, Şura bu gün İranın nüvə silahının yayılması ilə bağlı fəaliyyətinə qarşı bir sıra məhdudlaşdırıcı tədbirləri bərpa etmək barədə qərar qəbul edib.

Bildirilib ki, həmin qərar BMT Baş Assambleyasının İrana qarşı sanksiyalarının bərpa edilməsi ilə əlaqədar qəbul edilib. ]]> admin Mon, 29 Sep 2025 13:24:12 +0400 https://strategiyaveyukselis.info/gundem/1845-lham-liyev-onu-tltif-etdi.html https://strategiyaveyukselis.info/gundem/1845-lham-liyev-onu-tltif-etdi.html

]]>
Rafiq Musa oğlu Məmmədhəsənov 2-ci dərəcəli “Əmək” ordeni ilə təltif edilib.

“Qafqazinfo” xəbər verir ki, Prezident İlham Əliyev bununla bağlı Sərəncam imzalayıb.

R.Məmmədhəsənov Azərbaycanın ictimai-siyasi həyatında uzunmüddətli səmərəli fəaliyyətinə görə mükafatlandırılıb.

Qeyd edək ki, sentyabrın 26-da R.Məmmədhəsənov 80 yaşını qeyd edib. O, üçüncü və dördüncü çağırış Milli Məclisinin deputatı olub. ]]> admin Mon, 29 Sep 2025 13:23:33 +0400